Sunday, June 21, 2009

أنا عمر ضاع


أنا العمر الّي ضاع من ناس كتير
أنا طريق توهان مفهوش غفير
أنا بيت فاضي..مستني صحابه
رجعوا صحابه..وفضل حاسس بالفضا
أنا الهلال بالصدفة تقع عليا العين
فضّل عليا الأحباب القمر
والله مازعلت على كده
أنا زعلت من زمان على كتير حاجات تانية
أنا الي الناس بتقولّي معلش على حبة تراب في عيني
ونسوا ملامح وشي الي تحت الطين ..ضاعت
أنا محطة ..لا فيها ناس..ولا بيعدّي عليها ترام
أنا صوت صفير الشابيك في الشتا
قلق وتعب وخوف..ومفيش دفا
أنا عمر ضاع من ناس كتير
ملوش رجوع

3any..

Alex..., Egypt
عادى زى أى بنت فى الدنيا..بحلم..وبحب..وبخاف..وبتجن..وبسامح..وبعيط..وبتنطط..وبصاحب..وبفارق..لكن عمرى ماكذب :)